sábado, 14 de enero de 2012

Galdera teorikoak Fisika hautaproba (3,4)


1. Islapena deritzon fenomenoan, uhin bat bi inguruneren arteko bananketa-gainazalera iristean, uhina itzuli egiten da lehenengo ingurunera, uhin higiduraren energiaren parte bat eramanez eta hedapen norabidea aldatuz.

Islapenaren legeak;
-Ispi erasotzailea, bananketa-gainazalaren eraso-puntuko normala eta izpi islatua plano berean daude.
-Eraso-angelua, e, eta islapen angelua, i, berdinak dira.

Muga-angelua, L 90º ko errefrakzio-angeluari dagokion eraso-angeluari deritzo.
Eraso angeluak hori baino handiagoak badira, argi guztia islatu egiten da, hau da, ez da errefrakziorik ematen eta argia ez da ingurune batetik bestera igarotzen ; islatu egiten da bakarrik. Fenomeno honi islapen osoa deritzo.

Errefrakzioa deritzon fenomenoan, uhin bat bi inguruneren arteko bananketa-gainazalera iristean, sartu egiten da bigarrenean eta bertan hedatu egiten da, uhin higiduraren energiaren parte bat eramanez eta hedapen norabidea aldatuz.

Errefrakzioaren legeak;
-Izpi errefraktatua, normala eta izpi erasotzailea plano berean daude.
-Eraso angeluaren sinuaren eta errefrakzio-angeluaren sinuaren arteko erlazioa konstantea da, eta uhin higidurak bi inguruneetan dituen hedapen-abiaduraren arteko erlazioaren berdina. Kantitate konstante horri bigarren inguruneak lehengoarekiko duen errefrakzio-indize erlatiboa deritzo n21.


2. Uhina polorizatu gabe dagoela esan ohi da, denbora pasatu ahala inguruneko partikulen oszilazio-norabide guztiak probabilitate  berekoak direnean; edo bestela uhina norabide desberdinetako oinarrizko uhin askoren gainezartzez osatuta dagoenean. Baldintza hori betetzen ez denean, uhinak polarizaturik daudela esaten dugu.  Bi motatakoak izan daitezke; zuzen edo lineala; zirkularra edo eliptikoa.

Uhin geldikorrak: Norabide berean baina aurkako noranzkoan hedatzen ari diren anplitude eta maiztasun bereko bi uhinen interferentziaz sortzen diren uhinei deritzogu. Uhin geldikorra harmonikoa da, osagaien maiztasuna berekoa eta beraren anplitudea Ar denborarekiko independentea da.
Ekuazioa: yr=2Acos(kx)sin(wt)= Ar sin (wt)

Uhin geldikorra sabelak cos(kx)=+/-1 betetzen deneko puntuetan daude, hau da Ar maximoa denean. Horrela adierazten dira sabelak: x= n λ/2
Uhin geldikorra nodoak cos(kx)=o betetzen deneko puntuetan daude, hau da Ar nulua denean. Horrela adierazten dira nodoak: x= (2n+1) λ/4
Ondoz ondoko bi sabel edo bi nodoren arteko distantzia λ/2 da eta ondoz ondoko sabe eta nodo baten arteko distantzia, aldiz λ/4

Bi uhin geldikor mota daude:

a)Hari bateko uhin geldikorrak

-Bi muturrak finko dituen haria, musika tresnak kasu. Uhin geldikor posibleetako bakoitzak , bere uhin-luzera eta maiztasun propioak ditu. Beraz,
λ n= 2L/ n    n=1,2,3… (sabel kopurua)        fn= nv/2L
                     L hariaren luzera
-Mutur batean finkaturiko haria:
λ n = 4L/(2n+1)        fn= (2n+1)v/ 4L

b)Hodietako uhin geldikorrak:
Hodiaren barnean aurkako norantzetan hedatzen ari diren bi uhinen arteko gainazarpen emaitza, luzetarako uhin geldikorra da.

-Bi muturretatik irekitako hodiak:
λ n= 2L/ n                           fn= nv/2L

-Mutur bakar batetik irekitako hodiak:
λ n = 4L/(2n+1)        fn= (2n+1)v/ 4L

No hay comentarios:

Publicar un comentario en la entrada